Proxecto Puding entrevistado no podcast de Mancomún

Esta mesma tarde seremos entrevistados polo podcast de Mancomún, como gañadores da última edición do Premio ao Mellor Proxecto Universitario con Licenza Libre, onde falaremos da nosa experiencia durante o mesmo. Agardamos que vos guste.

Proxecto Puding no programa "Feito con cabeza" da TVG dispoñible na web

Xa está dispoñible na web da TVG (min. 33:40) a entrevista que nos fixeron para o programa "Feito con cabeza", onde falamos do funcionamento do noso proxecto en fases temperás, posto que foi gravado xa tempo atrás. Agardamos que sexa do voso agrado.

PD: tamén se pode ver durante as reposicións do programa na propia canle.

Learning Synths: unha web para aprender de todo sobre sintetizadores

Hoxe traémosvos un artigo sobre Learning Synths, unha web xenial para aprender todo o que se vos ocorra sobre sintetizadores de son. Agardamos que vos guste.

Proxecto Puding finalista no X Premio Proxecto Fin de Carreira/ Mestrado en Enxeñaría Informática do CPEIG

Proxecto Puding vén de ser nomeado finalista no "X Premio Proxecto Fin de Carreira/ Mestrado en Enxeñaría Informática" organizado polo Colexio Profesional de Enxeñaría en Informática de Galicia (CPEIG), no marco dos seus premios anuais da “XI Noite da Enxeñaría en Informática de Galicia”.

Proxecto Puding na emisión do 1 de xuño do programa "Feito con cabeza" da TVG

Este sábado 1 de xuño, ás 11:00 horas, emitirase unha pequena entrevista no programa "Feito con cabeza" da TVG, onde falaremos do funcionamento do noso proxecto en fases temperás, posto que foi gravado xa tempo atrás. Agardamos que sexa do voso agrado.

Actualización:

Parece que a información que nos remitiron non era correcta e se manterá o horario anterior de emisión, ás 19:10 horas, cunha duración de 20 minutos.

Publícanse novos detalles sobre MIDI 2.0

Na sesión de prototipado de MIDI 2.0 celebrada durante a Winter NAMM 2019 hai escasos días, fixéronse demostracións dunhas cantas funcionalidades novas de MIDI 2.0.

Houbo máis de 100.000 persoas visitando a web de MIDI.org para consultar información sobre MIDI 2.0.

E logo de monitorear os comentarios en múltiples sitios web, decidiron publicar información máis detallada sobre o protocolo.









¿Precisarán os dispositivos MIDI 2.0 dun novo cable ou conector?

Non, MIDI 2.0 é un protocolo de transporte agnóstico.

MIDI 2.0 non é máis ca un conxunto de mensaxes que non están atados a ningún tipo particular de cable ou conector.

Xa era así dende MIDI 1.0. Actualmente xa pode funcionar sobre conectores DIN de 5 pins, portos serie, ethernet, USB, etc.

 

¿Pode MIDI 2.0 funcionar sobre todos estes cables e conectores agora mesmo?

Non, precísanse novas especificacións para cada método de transporte.

Existe un Formato de Paquete Universal que será común a todos os transportes modernos que fará que escribir ditas especificacións sexa moito máis rápido.

O novo formato soporta tanto mensaxes MIDI 1.0 coma 2.0.

O transporte MIDI máis popular hoxe en día é USB. A marioría dos dispositivos MIDI conéctanse a un ordenador por USB. Polo que USB será o primeiro transporte para o que se definirán novas especificacións.
 


¿Contará MIDI 2.0 cunha sincronización máis precisa?

Si e aplicarase tanto para MIDI 1.0 como para MIDI 2.0.

Será a través dunha nova mensaxe chamada Jitter Timestamp.




¿Contará MIDI 2.0 con máis resolución?

Si. As mensaxes MIDI 1.0 son normalmente de 7 bits. En MIDI 2.0 será de 16 bits.

 




¿Será posible contar en MIDI 2.0 con control microtonal e diferentes escalas non occidentais?

Si, MIDI 2.0 permite control do pitch sobre notas individuais.

 

Cultura solicita á Xustiza permiso para intervir a SGAE

Vimos de coñecer que o Ministerio de Cultura vén de solicitar á Xustiza o pertinente permiso para intervir a SGAE.

Logo de exabruptos como o acontencido hai uns días, entre outros moitos, tanto da actual como de anteriores directivas, como músicos profesionais e compositores sentimos vergoña de que o noso colectivo sexa representado pola SGAE.

É triste ver como directiva tras directiva o único que fan é saír na prensa por (presuntamente) caciquear e meter a man no cazo en beneficio propio ou dos catro amigos de sempre.

¡A nós non nos representan! 

Amazon entra a formar parte do consello da Zigbee Alliance

Nun xiro inesperado dos acontecementos, Amazon decide entrar a formar parte do consello da Zigbee Alliance para potenciar esta tecnoloxía e aplicala nos seus productos de domótica, fortalecendo tamén a aqueles outros productos que, coma o Proxecto Ṕuding, precisan de baixo consumo e tempo de resposta e de longo alcance.

Reparar sintentizadores MIDI antigos

Como non todo vai ser "mercar, tirar, mercar", hoxe traemos outra nova sobre como reparar antigos sintetizadores MIDI que en moitos casos son de mellor calidade e funcionan moito mellor que moitos dos actuais, aínda que teñan un aspecto retro.

Lembrade, ¡reciclar é importante!

Sintetizadores MIDI dos 80

Nova de hoxe sobre sintetizadores MIDI dos 80. Moi interesante.

Colabora co XIII Concurso Universitario de Software Libre

A organización do Concurso Universitario de Software Libre está formada por estudantes e docentes universitarios.

Precisan da túa colaboración, a do teu grupo de usuarios ou da Oficina de Software Libre da túa Universidade.

Podes ver quén colabora co XIII Concurso Universitario de Software Libre na sección de colaboradores. Tamén podes consultar a lista de patrocinadores na sección de patrocinios.

Máis información aquí.

Premiado o curso en liña da UDC sobre educación musical e software libre

O primeiro curso en liña da UDC sobre educación musical e software libre que leva por nome "Música para o S. XXI: achegas do software libre á educación musical" vén de ser recoñecido co Premio Miríadax á Innovación Educativa.

Dende aquí, os nosos parabéns.

Máis información aquí.

Publicado o primeiro borrador de MIDI 2.0

A MIDI Manufacturers Association (MMA) e a Association of Music Electronics Industry (AMEI) veñen de anunciar conxutanmente a publicación do primeiro borrador da especificación do protocolo MIDI 2.0, logo de 36 anos dende a publicación da primeira versión.

Toda a información sobre o mesmo pode atoparse no comunidado oficial.

¡Longa vida a MIDI 2.0!

Proxecto Puding na IV Foliada da Fonsagrada

Esta fin de semana estaremos pola IV Foliada da Fonsagrada. Vémonos alí!

Máis información aquí.

Proxecto Puding gañador da VI edición dos Premios Emprende Cultura Gaiás - Sixto Seco

Proxecto Puding foi declarado gañador da VI edición dos Premios Emprende Cultura Gaiás - Sixto Seco, na modalidade de Aplicacións informáticas relacionadas co sector cultural e proxectos culturais na Internet.

Máis información aquí.

Proxecto Puding finalista na VI Edición dos Premios Emprende Cultura Gaiás - Sixto Seco

Dende o Centro de Emprendemento (CEM) da Cidade da Cultura veñen de comunicarnos que somos finalistas na VI Edición dos Premios Emprende Cultura Gaiás - Sixto Seco, na modalidade de Aplicacións informáticas relacionadas co sector cultural e proxectos culturais na Internet.

Fomos seleccionados de entre unha vintena de participantes, sendo tres os finalistas de cada unha das dúas categorías existentes.

As tres mellores ideas de cada categoría están convocadas para mañá
xoves 15 de novembro. As exposicións darán comezo ás 17:15h na Sala de
Reunións (Pranta 2) do edificio Cinc (Centro de Innovación Cultural da
Cidade da Cultura).

O xurado dará a coñecer o nome do proxecto gañador de cada categoría na Gala de Entrega de Premios da VI Edición dos Premios Emprende Gaiás "Sixto-Seco", que terá lugar o vindeiro luns 19 ás 19:30h, na Sala de Congresos do citado edificio.

Proxecto Puding gañador da XI edición do Premio ao mellor Proxecto Universitario con Licenza Libre

Máis información aquí.

Install party de GNU/Linux na FIC a cargo de GPUL

Dende o GPUL infórmannos de que o próximo xoves día 25 de outubro van organizar dous obradoiros de instalación de GNU/Linux nos portátiles dos asistentes. O obradoiro está orientado a novos alumnos da Facultade de Informática.

As quendas serán:

• 11:00-14:00
• 16:00-19:00

Inscricións aquí.

Xornada sobre industrialización de productos con hardware libre

Dende o CNTG infórmannos desta xornada organizada polo Centro Demostrador TIC de Galicia sobre industrialización de produtos con hardware libre.

Aproveitar todo o coñecemento, plataformas, solucións e complementos de hardware libre co seu software libre asociado reduce enormemente os custes de enxeñaría e permite chegar ao mercado de contado con solucións innovadoras e produtivas. Para unha TIC ter produto propio con elementos hardware de seu, ábrelle as portas a infinidade de solucións específicas e exclusivas no mercado.

Para quen?

Entidades grandes e pequenas, mesmo autónomos e emprendedores con iniciativas baseadas en dispositivos electrónicos. 

Cando?

Martes 23 de outubro de 2018, de 16:30 a 19:00 horas.

Onde?

En Santiago de Compostela.

Proxecto Puding finalista no Premio ao Mellor Proxecto Universitario con Licenza Libre 2018

Dende a Oficina de Coordinación de Solftware Libre (AMTEGA, Xunta de Galicia), veñen de comunicarnos que somos finalistas no Premio ao Mellor Proxecto Universitario con Licenza Libre 2018.

Os finalistas son, por orde alfabética:

• Proxecto Puding (Alejo Pacín)
• https://forxa.mancomun.org/projects/proxecto-puding/
• QAS (Brais Arias)
• https://forxa.mancomun.org/projects/qas/
• RSS Radio (Fernando Liñares)
•  https://forxa.mancomun.org/projects/rss-radio/
• Backstage (Paloma Piot)
• https://forxa.mancomun.org/projects/backstage/
• Catenae (Rodrigo Martínez)
• https://forxa.mancomun.org/projects/catenae/

A final celebrarase tal que así:

Data e hora de celebración: venres 26 de outubro de 15:30 a 18:30
Lugar de celebración: Centro de Innovación Cultural de Galicia, Monte Gaiás s/n, 15781 Santiago de Compostela

Programa:

• 15:30 Presentación de proxectos
  • 15:30 Proxecto Puding
  • 16:00 QAS
  • 16:30 RSS Radio
  • 17:00 Backstage
  • 17:30 Catenae
• 18:00 Deliveración do Xurado
• 18:30 Entrega de premio

Animámosvos a vir presenciar a final e facer un pouco de networking ó rematar!