Cultura solicita á Xustiza permiso para intervir a SGAE

Vimos de coñecer que o Ministerio de Cultura vén de solicitar á Xustiza o pertinente permiso para intervir a SGAE.

Logo de exabruptos como o acontencido hai uns días, entre outros moitos, tanto da actual como de anteriores directivas, como músicos profesionais e compositores sentimos vergoña de que o noso colectivo sexa representado pola SGAE.

É triste ver como directiva tras directiva o único que fan é saír na prensa por (presuntamente) caciquear e meter a man no cazo en beneficio propio ou dos catro amigos de sempre.

¡A nós non nos representan! 

Proxecto Puding gañador da VI edición dos Premios Emprende Cultura Gaiás - Sixto Seco

Proxecto Puding foi declarado gañador da VI edición dos Premios Emprende Cultura Gaiás - Sixto Seco, na modalidade de Aplicacións informáticas relacionadas co sector cultural e proxectos culturais na Internet.

Máis información aquí.

Proxecto Puding finalista na VI Edición dos Premios Emprende Cultura Gaiás - Sixto Seco

Dende o Centro de Emprendemento (CEM) da Cidade da Cultura veñen de comunicarnos que somos finalistas na VI Edición dos Premios Emprende Cultura Gaiás - Sixto Seco, na modalidade de Aplicacións informáticas relacionadas co sector cultural e proxectos culturais na Internet.

Fomos seleccionados de entre unha vintena de participantes, sendo tres os finalistas de cada unha das dúas categorías existentes.

As tres mellores ideas de cada categoría están convocadas para mañá
xoves 15 de novembro. As exposicións darán comezo ás 17:15h na Sala de
Reunións (Pranta 2) do edificio Cinc (Centro de Innovación Cultural da
Cidade da Cultura).

O xurado dará a coñecer o nome do proxecto gañador de cada categoría na Gala de Entrega de Premios da VI Edición dos Premios Emprende Gaiás "Sixto-Seco", que terá lugar o vindeiro luns 19 ás 19:30h, na Sala de Congresos do citado edificio.

Proxecto Puding presente nos Premios Emprende Cultura Gaiás Sixto Seco

Proxecto Puding está presente nos Premios Emprende Cultura Gaiás Sixto Seco.

Máis información:

https://codigocero.com/Os-premios-Sixto-Seco-a-innovacion-cultural-achegaran-3-000-euros-a-cada

Proxecto Puding presente no Pasabodeghas de San Miguel de Sarandón (Vedra)

Este 27 de outubro estaremos promocionando o proxecto no Pasabodeghas de San Miguel de Sarandón (Vedra).

Máis información aquí.

Proxecto Puding no Domingo das Mozas do San Froilán

Proxecto Puding estará presente no Domingo das Mozas do San Froilán, apoiando a nosa cultura e promocionando o proxecto, intentando acadar unha base de usuarios o máis ampla posible e intercambiando pareceres, tanto con artesáns coma con gaiteiros.

Máis información aquí:

http://www.blogoteca.com/malmequer/index.php?cod=151464